Maud Plener, sem heldur um taumana í vínhúsi Jean Plener, er sjöundi ættliður víngerðarmanna í fjölskyldunni.  Vínekrurnar liggja við þorpið Bouzy sem er í suðurhlíðum “fjallsins” sem er á milli Reims og Epernay.  Aðstæður til vínræktar eru með allra besta móti og þorpið Bouzy er eitt af 17 Grand Cru-þorpum í Champagne (vínekrurnar við Bouzy og Ambonnay þykja með þeim allra bestu í Champagne).  Vínekrur Jean Plener ná yfir 5,5 hektara – 70% eru Pinot Noir og 30% Chardonnay.  Þegar vínið er komið á flöskur er það lagt til hvíldar í kjallaranum sem afi Maud gróf undir húsið þeirra.  Í kjallaranum er ávallt 10-12 °C sem er fullkomið til að geyma vínin.  Þó svo að lágmarks geymslutími kampavína eru 15 mánuðir þá eru vínin frá Jean Plener látin liggja í að minnsta kosti 4 ár og þroskast.